martes 17.09.2019
a corporación aprobará, tamén, de xeito definitivo, o orzamento do 2019 e a liquidación do 2018

Mércores de cinza e San Antón, os festivos locais do vindeiro ano en Verín

Pleno ordinario o que se vén de programar para este venres día 13 ás 9,30 horas, aberto, como todos, a todo o público que queira asistir. Ademais de dar conta dos festivos programados para o vindeiro ano 2020, a Corporación debatirá sobre as contas do 2018 e aprobará, de xeito definitivo, os orzamentos para o ano en curso. 
Unha das recentes sesións plenarias na Corporación municipal verinense.
Unha das recentes sesións plenarias na Corporación municipal verinense.

Todos os edís da Corporación municipal están mañá venres día 13 convocados a un pleno en sesión ordinaria, dende as 9,30 horas. De contido maioritariamente económico, os representantes da vontade popular aprobarán as datas dos festivos para o vindeiro ano 2020, que serán o 17 de xaneiro, tradicional festividade de San Antón; e a do 26 de febreiro, coincidindo coa celebración do Mércores de cinza e inmediatamente posterior ao martes de Entroido na vila. 

Ademais, someterase a aprobación definitiva o orzamento para o ano en curso 2019 e o grupo de Goberno municipal dará conta da liquidación do 2018, dos informes de intervención sobre o grao de cumprimento dos obxectivos de estabilidade orzamentaria, regra de gasto e sosteñibilidade financieira, e tamén dos informes de intervención sobre resolucións da alcaldía contrarias aos reparos de legalidade do exercicio 2018. 

Mércores de cinza e San Antón, os festivos locais do vindeiro ano en Verín
comentarios