venres 30/10/20
Os feitos ocorren na noite deste venres ao sábado nunha finca valada á carón do río Támega

O lobo mata a catro ovellas e un carneiro ao pé da Pousa, en Monterrei

Tres ovellas mortas, un año e un carneiro é o balance dos danos ocasionados polo ataque, presuntamente, dun lobo esta noite na Pousa, no Concello de Monterrei. 

Tres das cinco vítimas amenceron mortas na finca valada na que pasaron a noite. | FOTO: E. D.
Tres das cinco vítimas amenceron mortas na finca valada na que pasaron a noite. | FOTO: E. D.

Os veciños da Pousa, en Monterrei, amenceron hoxe consternados logo de coñecerse que un lobo -aínda que hai quen sostén que puido tratarse duns cans que levan meses merodeando preto sen dono- atacara a un pequeno rabaño de ovellas que pasaban a noite nunha finca valada a carón do río Támega. 

Foron catro as que aparecen mortas, tres na mesma propiedade, un año a uns 60 metros das anteriores e o carneiro, a 100.


Os axentes de Servizo de Protección da Natureza da Garda Civil faranse cargo das pesquisas para determinar se, en efecto, foi un ataque do lobo o que lle causou a morte ás ovellas ou puido ser o duns cans esfameados que xa nalgún momento os veciños da Pousa denunciaran telos visto tamén pola aldea. 

O lobo mata a catro ovellas e un carneiro ao pé da Pousa, en Monterrei
comentarios