O sábado 11 de maio profesores e alumnado do Conservatorio Elemental de Música de Verín darán un concerto didáctico na Praza Maior da vila. O evento será ás 12:00 h e estará enfocado para nenos e nenas de entre 6 e 14 anos, acompañados de familiares ou adultos.
Os profesores, alumnado, o Grupo de Corda, Tecla e Vento e a Banda do Conservatorio, interpretarán temas populares, clásicos e infantís, ademáis de presentar os instrumentos que ofrece o centro: clarinete, frauta travesera, guitarra, piano, saxofón, trompeta, trombón, viola e violín.
Estos estudos estarían dispoñibles para rapaces entre os 8 e os 14 anos, mentres que para os de 7 anos ofrecécese un Curso de Fundamentos Musicais, e un Curso de Música para os de 6 anos de idade e os máis pequenos.
Os concertos terán coma obxectivo presentarlle aos participantes a sonoridade e a mecánica dos instrumentos que se estudan no Conservatorio Elemental de Música de Verín.
A entrada será libre, ata completar aforo, e os interesados en inscribirse para acceder á formación oficial - alumnado entre 8 e 14 anos - poderán facelo ata o día 15 de xuño. Poderase pedir información na Casa do Concello de Verín.