Luns. 30.01.2023
Parte do equipo do CDR Portas Abertas que traballa no proxecto Biocoidados.
Parte do equipo do CDR Portas Abertas que traballa no proxecto Biocoidados.

O CDR Portas Abertas, a través de Confederación de Centros de Desarrollo Rural (Coceder), traballa nun proxecto que busca unha nova forma de traballo na atención da poboación nas zonas rurais. O programa chámase Biocoidados: Novos modelos de coidados prestados á comunidade, centrados nas persoas, en contornas rurais e atópase agora nunha fase de implementación.

O proxecto divídese en catro partes. A primeira é sobre o deseño da metodoloxía, a segunda supón a súa implementación, a terceira trátase dunha avaliaicón dos resultados e a última centrarase na elaboración de propostas de cambio. O obxectivo é previr a institucionalización dos maiores, utilizando os recursos comunitarios e cambiando o modelo de Servizos Sociais.

A prevención do institucionalización das persoas é o principal obxectivo deste proxecto que se desenvolve a nivel estatal

Xunto ao CDR Portas Abertas traballan otros 17 centros de toda España que, de forma coordinada, buscan os mellores resultados. O programa arrancou en xaneiro deste ano coa primeira fase, que rematou o 30 de xuño. Esta parte finalizada verase reflexada no deseño das “Historias de vida” e “Plans de vida” que permitirán mellorar o benestar dos beneficiados co fomento da súa autonomía e do aproveitamento de recursos da comunidade.

O equipo que compón este proxecto é munltidisciplinar e dispón dunha traballadora e unha educadora social, unha psicóloga, integradores sociais, persoal de atención sociosanitaria, auxiliares de enfermería e asistentes persoais, entre outros.

Vilardevós será o lugar no que avancen a segunda fase deste proxecto. Xunto cos Servizos Sociais do Concello, seleccionaron a un grupo de veciños que cumplen cos requisitos para formar parte deste programa piloto. Isto comezou o 27 de xuño con 9 persoas de diversas localidades de Vilardevós.

Os participantes teñen en común un risco de institucionalización, polo que durante 15 meses contarán con este equipo de Portas Abertas para ver o funcionamento do plan, que posteriormente se avaliará e sacaranse conclusións.

NOTICIAS VERÍN | Biocoidados, un proxecto de mellora na asistencia ós maiores do rural
comentarios