23 de marzo de 2021, 21:50
O concello de Vilardevós pasa ó nivel alto de restriccións, polo que deixará de estar pechado perimetralmente e permitirase que a hostalaría abra as súas terrazas.
No caso da Mezquita, ó estar no nivel máis baixo, o cambio a destacar e a ampliación dos aforos en bares e restaurantes.
Restriccións en Vilardevós, nivel alto:
- Mobilidade permitida por toda a comunidade excepto ós concellos que se atopen en nivel máximo.
- Prohibidas as reunións de non conviventes nos domicilios.
- Máximo de seis non conviventes en espazos ó aire libre e de catro en interiores.
- Hostalaría aberta ata as 21.00 horas cun aforo do 50% en terraza.
Restriccións na Mezquita, nivel baixo:
- Mobilidade permitida por toda a comunidade excepto ós concellos que se atopen en nivel máximo.
- Prohibidas as reunións de non conviventes nos domicilios.
- Máximo de seis non conviventes en espazos ó aire libre e de catro en interiores.
- Hostalaría aberta ata as 21.00 horas cun aforo do 50% no interior e do 75% en terrazas.
Ditas medidas, que entrarán en vigor este venres, foron determinadas polo comité clínico encargado de analizar a situación da COVID-19 en Galicia, tras reunirse hoxe pola tarde.