23:03 do 29 de xullo de 2019
Comezan a coñecerse os nomes dos novos confrades da Confraría dos Viños de Monterrei que serán investidos o vindeiro 9 de agosto tras a lectura do pregón de inauguración da XIV edición da Feira do Viño de Monterrei na praza da Alameda de Verín, ás 20,00 horas.
Segundo puido saber este xornal, o bispo de Ourense, Monseñor José Leonardo Lemos Montanet; o presidente da Deputación de Ourense, Manuel Baltar, e o xornalista e estudoso do mundo do viño Luis Cid Congil serán novos confrades da Confraría da Denominación de Orixe e recibirán as súas oportunas distincións no acto solemne que terá lugar, logo da apertura oficial da certame vitivinícola, na igrexa parroquial Santa María La Mayor de Verín.
