O director da Axencia Galega da Calidade Alimentaria, Martín Alemparte, asistiu este luns á inauguración da Barcelona Wine Week, que se celebra desde o día 3 ata o mércores, 5 de febreiro, no recinto feiral de Montjuïc, e no que a Consellería do Medio Rural está presente para apoiar o sector vitivinícola da nosa comunidade, como tamén a Denominación de Orixe Monterrei no que é a súa cuarta participación nun certame no que estarán representados 75 selos de calidade e máis de 1.100 adegas.
Martín Alemparte salientou este tipo de celebracións, que se configuran como un escaparate ideal no que presentar e promocionar as elaboracións vitivinícolas galegas para dalas a coñecer fóra de Galicia e ante un público internacional.
A Axencia participa no evento a través da presencia de 45 industrias de elaboración de viños ou augardantes, que asistirán agrupadas baixo a marca Galicia.
- Trasdovento,
- Minius,
- Alejandro Ramón Blanco Dijkhoff (Ramón Bigotes),
- Ladairo,
- Pazo de Valdeconde,
- Alba Al-Bar (Daniel Fernández),
- Vía Arxéntea,
- Castro de Lobarzán,
- Crego e Monaguillo,
- Fragas do Lecer,
- Franco Basalo,
- Gargalo,
- José Antonio Da Silva Pereira (Vinos Lara),
- José Luis Mateo García (Quinta da Muradella),
- Manuel Regueiro García,
- Manuel Vázquez Losada,
- Pazo Blanco Núñez (Tapias Mariñán),
- Terras do Cigarrón e
- Triay
