AXENDA | Andaina pola ruta dos lagares de Oímbra

A Asociación Flaviense de Caminheiros organiza unha andaina polos lagares rupestres de Oímbra que terá lugar o vindeiro 10 de marzo.

Unha ruta de 13 quilómetros con dificultade moderada que percorrerá varios dos lagares que ten a localidade.

Coa colaboración do Concello de Oímbra, a andaina sairá ás nove da mañá dende a Praza do Concello e contará con avituallamento, duchas e almorzo para os participantes.

Cun prezo de 12€ para persoas non socias, as inscricións pódense realizar no Bar Taxi, en Oímbra, ata o vindeiro 5 de marzo.