Evento
AXENDA | I Andaina Lamardeite - A Cidadella
O Centro de Desenvolvemento Rural Portas Abertas organiza a primeira Andaina Lamardeite - A Cidadella, unha excursión programada co obxectivo de dar a coñecer a contorna rural da bisbarra.
Cunha duración aproximada de catro horas e 14km. de percorrido, a ruta será circular. Ás 9:00 horas sairá dende a praza da aldea de Lamardeite para camiñar ata a Fervenza da Cidadella percorrendo o monte de Soutochao. Unha vez no mirador da fervenza comezará a ruta de volta.
Para participar é necesario facer unha inscrición previa a través da ligazón: https://tinyurl.com/2yaycpz7. Máis información no teléfono: 988 41 72 32.
Unha actividade organizada ó abeiro do proxecto "Voluntariado ambiental: coñecer, conservar e mellorar a nosa contorna"; programa de interese xeral para fins de carácter social, con cargo á asignación tributaria do 0,7% do imposto sobre a renda das persoas físicas e do imposto de sociedades.