O Concello de Vilardevós lamenta os recentes actos vandálicos sucedidos en distintos puntos do municipio. Nestes días producíase a desaparición dun banco, lousas levantadas no parque infantil e pegamento en pechaduras.
"Estes actos incívicos non só implican un gasto económico innecesario que repercute directamente nos fondos de todos os veciños e veciñas, senón que ademais prexudican o uso e disfrute dos espazos públicos por parte da comunidade. Bens que son de todos e para todos vense deteriorados por accións que non podemos tolerar" subliñou a alcaldesa, Eva Pérez Gamote.
Por este motivo, o Concello de Vilardevós fai un encarecido chamamento ao civismo, ao sentido común e á responsabilidade compartida. "Coidar do noso pobo, dos nosos parques, do noso mobiliario urbano, é unha tarefa que nos incumbe a cada un de nós", engadiou a rexidora municipal.
