13:42 do 23 de febreiro de 2022
Certa estabilidade de casos activos a 24 horas da explosión festiva no entroido de Verín, a da noite de Comadres. Este mércores 23 de febreiro as variacións son mínimas. Só Cualedro e Vilardevós perden positivos. Pola contra, Monterrei anota dous máis, ao tempo que o resto de concellos manteñen as cifras feitas públicas no día de onte: Verín segue cos 74 contabilizados este martes.
Mañá haberá unha nova posibilidade, no punto CovidAuto do hospital, de realizar test gratuítos de antíxenos, entre as 15:30 e as 20:30 horas, obtendo o resultado 15 minutos máis tarde de realizada a proba.
Velaí os datos deste mércores 23 de febreiro, coa esperanza de superar Compadres sen repuntes:
- Castrelo do Val: dous
- Cualedro: seis (rebaixa dous positivos con respecto a onte)
- Laza: seis
- Monterrei: 22 (dous novos casos en 24 horas)
- Oímbra: dous
- Riós: tres
- Verín: 74
- Vilardevós: dous (dous positivos menos en 24 horas)
- A Gudiña: tres
- A Mezquita: tres