Luns. 04.07.2022
reisverin1
Este ano, en Verín non se permitirá que se acompañen polas rúas ás Súas Maxestades. | FOTO: Carlos Montero (arquivo).

Non haberá neno ou nena na comarca que non reciba o seu presente nestas datas. E aínda que o propio día da celebración é este xoves, as Súas Maxestades teñen que adiantar algúns dos compromisos pendentes para poder chegar en hora a todas as casas. Por iso que concellos como Monterrei, Laza e Oímbra serán os primeiros en recibir a visita dos Reis Magos, xa este mércores pola mañá, para poder rematar a xornada á medianoite con todo o traballo rematado. 

Velaí a axenda que teñen Reis, camellos e paxes, concello a concello:

 


Monterrei

  • 10:30 horas: Vences
  • 12:00 horas: Medeiros
  • 13:00 horas: Guimarei, na pista polideportiva cuberta, ata onde terán que achegarse os cativos de Albarellos e Vilaza por mor das previsibles condicións climatolóxicas adversas. 

 

Oímbra

Tamén no concello de Oímbra non quedará neno ou nena que non teña a oportunidade de ver pasar a cabalgata real. Só teñen que estar pendentes do reloxio, porque estes son os horarios de paso polas diferentes aldeas. 

  • 10:45: Videferre
  • 11:15: Espiño
  • 11:30: Bousés
  • 12:30: Casas dos Montes
  • 13:00: A Granxa
  • 13:15: As Chas
  • 15:30: Rabal e Terrón
  • 16:20: San Cibrao
  • 17:15: O Rosal
  • 18:00: Oímbra

 

Laza

  • 11:00 horas: Praza de Trez, os nenos de Toro e Trez.
  • 12:15 horas: Igrexa de Castro, para os nenos de Soutelo Verde, Castro e Naveaus.
  • 13:00 horas: Souteliño
  • 15:30 horas: Matamá
  • 17:00 horas: Laza, praza da Picota. 

 

Riós

A cabalgata real terá unha única parada no concello orriolense. Será ás 16:30 horas diante da casa consistorial. Se algún cativo non pode acudir por estar confinado por mor da Covid, dende o equipo de Goberno aseguran que poden chamar ás dependencias municipais e se lle farán chegar os presentes que deixen para eles as Súas Maxestades. 

Viana do Bolo

Ás 16:00 horas arranca a comitiva real o seu percorrido polas aldeas do municipio vianés. Teñen que apurar o paso porque cara as 19:00 horas os nenos da capitalidade do concello estarán xa, nas rúas, agardando polos seus presentes. 

A Mezquita

Ás 18:00 horas, as Súas Maxestades darán un pequeno paseo pola Mezquita. Partirán da porta do Concello e irán ata o auditorio (edificio multiusos), onde repartirán agasallos á cativada. 

Verín

Este mércores, a partir das 18:00 horas, as Súas Maxestades, os Reis Magos de Oriente, percorrerán as rúas de Verín nunha espectacular cabalgata. A ruta finalizará na Praza do Concello, onde terá lugar unha recepción, con animación audiovisual, na que os menores poderán entregar as súas cartas no buzón real.

Melchor, Gaspar e Baltasar percorrerán as rúas do centro de Verín, partindo do barrio de San Lázaro e pasando pola avenida Luís Espada, rúa Deputación, rúa dos Remedios, Avenida de Cabreiroá, Rúa Constitución e avenida de Portugal; para chegar a praza do Concello, onde terá lugar a recepción oficial. Pola seguridade los asistentes non se permitirá o seguimento da cabalgata nin se fará entrega de caramelos durante o percorrido.

Xa na praza do Concello, os nenos e nenas que así o desexen poderán saudar as Súas Maxestades de Oriente, mantendo a distancia de seguridade pertinente, e deixar as súas cartas no buzón real. A recepción realizarase baixo un estrito control de seguridade no Protección Civil e Policía Local velarán polo cumprimento de todas as medidas de prevención  anticovid-19 vixentes.

O acceso á devandita recepción realizarase a través de rúa doutor Pedro González e a saída pola rúa Colón (Edificio de Facenda). Pola seguridade dos participantes, controlarase o aforo da recepción e non se fará entrega de ningún tipo de agasallo.

En caso de inclemencias meteorolóxicas, tan só se manterá a recepción dos Reis Magos na praza do Concello, suspendendo a cabalgata dinámica polas rúas de Verín.

Os Reis de Oímbra e Monterrei, os máis madrugadores
comentarios