Mércores. 30.11.2022
Gerardo Seoane, alcalde de Verín, e Antonio Justo, xerente da Fundación Dentalnova. | FOTO: Jainer Barros.
Gerardo Seoane, alcalde de Verín, e Antonio Justo, xerente da Fundación Dentalnova. | FOTO: Jainer Barros.

"O ratiño Pérez pasará o Nadal en Verín", así o comunicou este mércores a Fundación Dentalnova, facéndose eco da decisión do coñecido personaxe. O Sr. Pérez pasará o Nadal na vila do Támega grazas á súa estreita relación co equipo de Dentalnova e ao convite especial realizado polo Concello de Verín

O coñecido rato xa se instalou o pasado ano na Praza da Mercé. | FOTO: Carlos Montero.
O coñecido rato xa se instalou o pasado ano na Praza da Mercé. | FOTO: Carlos Montero.

O coñecido rato chegará á vila o vindeiro 30 de novembro. Para darlle a benvida, a Fundación Dentalnova organizou unha gala xunto aos nenos e nenas dos colexios da comarca e a contadora local Raquel Queizás. Ademais, a estancia do coñecido Sr. Pérez quedará gardada para o recordo nun libro que o propio personaxe fará chegar ás crianzas do val grazas á colaboración da Consellería de Cultura, Educación, Formación Profesional e Universidades da Xunta de Galicia.

Todo un mes de actividades

Logo do éxito da caseta do Ratiño Pérez do ano pasado, a Fundación Dentalnova quixo convencelo para que visitase a vila neste Nadal. Así, proponse máis dun mes de actividades ao redor da súa figura buscando converter estas accións nun verdadeiro atractivo para o lecer da comarca. Así, volverase instalar a casiña do ratiño Pérez na Praza da Mercé, onde as crianzas terán a oportunidade de visitar e retratarse xunto ao Sr. Pérez.

Libro editado pola Fundación Dentalnova

O proxecto está vertebrado pola publicación do libro "O ratiño Pérez", editado pola Fundación Dentalnova, no que se conta a súa vinculación co doutor Antonio. É unha historia baseada nunha idea orixinal de Edelmiro Mateo e ilustrada por María Isabel Álvarez Trujillo e cos textos de Antonia Blanes Hermida. Un conto centrado en Verín e nos seus elementos máis característicos. 

Gerardo Seoane, alcalde de Verín, na presentación da chegada do rato Pérez. | FOTO: Jainer Barros.
Gerardo Seoane, alcalde de Verín, na presentación da chegada do rato Pérez. | FOTO: Jainer Barros.

Este libro serviu de inspiración ao equipo Dentalnova e a Raquel Queizás para deseñar una gala que se representará o mércores, 30 de novembro, no Auditorio Municipal. "A esta actuación" -explicou o alcalde de Verín, Gerardo Seoane- "foron convidados máis de 600 cativos e cativas; non só dos colexios de Verín senón de todos os centros educativos da comarca. Será un momento moi especial xa que, o finalizar o evento, os cativos serán testemuñas da chegada do ratiño Pérez a Verín que, como non podería ser de outra maneira, será recibido polo alcalde con todas as honras". Devandito contacontos está financiado na súa totalidade polo ente municipal.

Antonio Justo, da Fundación Dentalnova, este mércores no auditorio. | FOTO: Jainer Barros.
Antonio Justo, da Fundación Dentalnova, este mércores no auditorio. | FOTO: Jainer Barros.

Antonio Justo, xerente da Fundación Dentalnova, agradeceu na rolda de prensa e involucración do Concello de Verín e da Consellería de Cultura, Educación, Formación Profesional e Universidades neste proxecto que agarda "conseguir sorrisos e emoción en estado puro. Pensado para os máis cativos, pero tamén para os maiores, porque a ilusión é algo que non perdemos nunca”.

O ratiño Pérez pasará o Nadal en Verín, convidado por Dentalnova e Concello
comentarios