jueves. 18.07.2024
Juan Carlos Francisco, parlamentario verinense na Cámara galega polo PSdeG.
Juan Carlos Francisco, parlamentario verinense na Cámara galega polo PSdeG.

O parlamentario socialista Juan Carlos Francisco reclamoulle hoxe á Xunta que desbloquee o desenvolvemento do Polígono de Tamagos, en Verín, que leva 10 anos paralizado dende que aprobaran o proxecto sectorial en 2011. Francisco presentou unha pregunta oral á conselleira de Territorio, á que urxiu a retomar un proxecto "estratéxico e fundamental" para Monterrei e hoxe convertido nun "monte abandonado".

 

290.000 metros cadrados de silvas

Juan Carlos Francisco lamenta que o bloqueo por parte do goberno galego teña malogrado as iniciativas do concello para desenvolver un polígono de solo industrial de calidade, perfectamente conectado con Vigo, Madrid e Portugal, e que conta con 290.000 metros cadrados de "silvas e matogueira". Un total de 127 hectáreas, dixo, das que a Xunta conta co 75 por cento, mentres o 25 por cento restante está pendente de expropiación.

Sinalou que o outro polígono da comarca, o de Pazos, dispón de tres parcelas dispoñibles por un total de 9.000 metros cadrados, pero en zona inundable, o que multiplica os custes notablemente e pon en cuestión a viabilidade para atraer investimentos.

Unha década perdida

O Polígono de Tamagos, explicou o parlamentario verinense, é un proxecto que se remonta ao goberno presidido polo socialista Emilio Pérez Touriño, que permitiu que o proxecto fora aprobado no Consello da Xunta do 20 de abril de 2011. Sen embargo, dende entón o goberno galego non fixo nada para desenvolver as licitacións, por moito que dispoña da competencia para o seu desenvolvemento a través do Instituto Galego de Vivenda e Solo.

O Concello de Verín podería facer de promotor


Segundo apunta Francisco na pregunta dirixida ao Pleno da Cámara autonómico, "transcorridos nove anos dende a aprobación, ningún promotor ten iniciado as actuacións necesarias para poñer en marcha este parque empresarial, cuxo desenvolvemento é estratéxico e crucial para o desenrolo económico do concello de Verín e nomeadamente de toda a comarca de Monterrei", e asegura, como así tamén o manifestou o rexedor verinense -Gerardo Seoane- e llo fixo saber á Administración autonómica, "o propio Concello de Verín estaría disposto a actuar como promotor, e chegar a un acordo que lle permita asumir ao Concello o impulso da actuación iniciando, dende a iniciativa municipal, a execución dunha primeira fase do parque", conclúe o socialista na cuestión rexistrada esta mesma mañá no Parlamento de Galicia. 

O PSdeG esixe á Xunta desenvolver "Tamagos" porque no polígono de Pazos "só hai tres...