Xoves. 01.12.2022
De izquierda a derecha: Diego Alonso, Antonio González y Rafael R. Villarino.
De izquierda a derecha: Diego Alonso, Antonio González y Rafael R. Villarino.

O PSdeG - PSOE celebrará este domingo a primeira xuntanza provincial do socialismo, que levará por nome "ConMemora" -que alude ás orixes do socialismo en Ourense- na Peroxa, baixo o lema "Olladas de futuro en tempos complexos". Previamente a esta xornada, tamén terá lugar unha reunión da Executiva Provincial no auditorio deste municipio ourensán.

"ConMemora", que dende este domingo terá carácter anual, contará coas intervencións da exministra de Sanidade e actual presidenta da Fundación Pablo Iglesias, María Luisa Carcedo; do secretario xeral do PSdeG, Valentín González Formoso; do presidente da Cámara de Chaves, Nuno Vaz; de Roman Minsko, representante do colectivo de refuxiados de Ucrania; do voceiro socialista na Peroxa, Antonio González Fiuza e do secretario provincial do PSdeG - PSOE, Rafa Villarino.

 

Durante o acto procederase á entrega dos premios "ConMemora" ao compromiso político, á solidariedade, á igualdade, á sustentabilidade e á cooperación internacional. Tamén se formalizará o irmandamento co socialismo de Portugal e se impulsará un recoñecemento ao pobo ucraíno.

A axenda da Xuntanza
 

  • 11:15 horas: Declaracións aos medios. O secretario provincial, Rafael Rodríguez Villarino; o secretario xeral do PSdeG, Valentín González Formoso; o alcalde de Chaves, Nuno Vaz Ribeiro; e outros cargos socialistas de Ourense e Portugal ofrecen declaracións aos medios sobre un acordo entre os socialistas de Ourense e o norte de Portugal para promover e desenvolver ambos territorios irmáns.

 

  • 11:30 horas: Entrega de premios "ConMemora".

 

  • 12:30 horas: Intervencións. 
  1. Antonio González Fiuza, voceiro do PSdeG-PSOE en A Peroxa.
  2. Roman Minsko Minsko, representante de Ucraína.
  3. Nuno Vaz Ribeiro, presidente da cámara municipal de Chaves.
  4. María Luisa Carcedo Roces, presidenta da Fundación Pablo Iglesias.
  5. Valentín González Formoso, secretario xeral do PSdeG.
  6. Rafael Rodríguez Villarino, secretario xeral do PSdeG-PSOE de Ourense.

 

  • 13:30 horas: Actuación musical. 

 

  • 17:00 horas: Clausura. 

Primeira xuntanza do socialismo ourensán, este domingo, na Peroxa
comentarios