
Vén de rematar un ano, o 2020, que comezara 12 meses atrás co paridoiro de Verín pechado a cal e canto e coa polémica desa decisión bulindo polos pasillos do complexo hospitalario local. Nesas mesmas datas, pechábase a estadística do 2019 co resultado de só 64 nacimentos na vila, a máis baixa do último lustro, dende os 130 rexistrados no 2015.
Foi precisamente esa caída dos natalicios e o incremento das derivacións a Ourense das mulleres que estaban sendo seguidas polas matronas de Verín o que deu pé a que Félix Rubial decidise, o 22 de novembro, facer público que pechaba o paridoiro.
Logo de dous meses pechado e coa tensión propia entre facultativos de Ourense e Verín xa por todos coñecida, Guillermina Agulla asumía a dirección do hospital comarcal co paridoiro reaberto. E, como se dun efecto reflexo se tratase, o ano 2020 vén de confirmar o pernicioso que sería para as nais do distrito non ter as portas dese servizo abertas. 115 foron os nenos que viron a luz neste ano que xa rematou, aínda que poderían ser 123 se a esa estadística se enganden os oito rapaces que naceron en Ourense no mes de xaneiro do 2020, cando aínda estaba clausurado o paridoiro local.
Belén Vázquez Gómez, unha das matronas do hospital de Verín que máis se significou na loita por manter o paridorio aberto, non agocha a súa satisfacción polos resultados, "que no hacen si no confirmar que estábamos en lo cierto cuando peleábamos por mantener el paritorio abierto. Si contamos con pediatras y no nos obligan a derivar partos a la capital, el paritorio de Verín volverá a las cifras de años anteriores, con medias de entre 120 y 130 nacimientos", asegura esta profesional sanitaria.
Valeria, a derradeira do 2020; Santiago, o primeiro do 2021
Santiago, cos seus 2.830 gramos, foi o primeiro cativo en nacer en Verín neste 2021 que acaba de comezar. Fíxose agardar. Unha cesárea tróuxoo a este mundo ás 5:26 horas deste sábado día 2 de xaneiro.
O último bebé en nacer en Verín no 2020 foi unha nena, Valeria. Pesou 3,5 kilos e naceu ás 5:55 horas do derradeiro día do ano.