mércores 08/12/21

Os amantes da castaña teñen, o vindeiro 14 de novembro, unha cita ineludible en Viana do Bolo. O Concello, en colaboración coa Asociación de Mulleres Rurais Bibei, organiza o seu magosto popular, no que non faltarán a gastronomía, os sorteos e a ambientación musical. O municipio ao completo poderá desfrutar desta festa celebrada no Campo da Feira da localidade a partir das 19:00h e por un prezo de 3€ por persoa, nos que está incluída a cea.

Así, os asistentes poderán degustar, ademáis de castañas asadas, bolos preñados, bica típica da zona, viño e refrescos e a típica queimada galega para rematar mentres botan uns bos bailes ao son dunha charanga.

A entrada para poder acudir, que estará dispoñible en diferentes establecementos da zona, deberá ser adquirida antes do día 12 de novembro. A súa compra inclúe á persoa que a posúa no sorteo dunha cesta repleta de produtos de outono, que se resolverá ao remate da celebración.

Onde mercar as entradas

  • Castiñeiros da Gloria
  • Bar Emigrante
  • Bar Dani
  • Bar Viana 76
  • Bar Callejón
  • Casa Chías

 

NOTICIAS VIANA | Castañas para todos en Viana o vindeiro 14 de novembro
comentarios
Entrando na páxina solicitada Saltar publicidade