O Diario Oficial de Galicia vén de publicar a aprobación inicial do "Plan especial de protección e reforma interior do núcleo histórico de Verín e do barrio de San Lázaro", promovido polo Concello de Verín co obxectivo de recuperar e pór en valor a zona.
Diste xeito, comeza o trámite de información pública do plan coa apertura do prazo de alegacións. Ó longo de dous meses o expediente administrativo quedará á disposición de calquera persoa que queira examinalo no Servizo de Urbanismo do Concello de Verín, así como no taboleiro de anuncios da sede electrónica do concello.
Ó tempo, notificarase individualmente a todas as persoas titulares catastrais dos terreos afectados polo ámbito do Plan especial de protección e reforma interior do núcleo histórico de Verín e do barrio de San Lázaro.
