Dende hoxe e ata o domingo, Verín ten unha cita coa cultura urbana na cuarta edición do festival Extruga na Rúa. Deporte, música e arte mestúranse neste evento que este ano se instala na zona verde situada na contorna da Preguiza. A Asociación Cultural Lumiños e o Concello están detrás desta iniciativa que contará con diversas actividades, todas de balde.
Diego Lourenzo, tenente de alcalde e concelleiro de Mocidade, agradeceulle á asociación todo o "esforzo e dedicación que realizan en prol da cultura urbana, ofrecendo ao noso público máis mozo unha alternativa cultural de primeiro nivel". Lourenzo tamén reoñoceu a promoción do galego neste festival, que cambiou o seu nome de Extruga Street a Extruga na Rúa nesta edición.
As xornadas de hoxe e mañá centraranse no escenario musical con actuación de artistas consolidados no panorama nacional e outros emerxentes locais do mundo urbano. Os asistentes tamén disporán dunha zona de acampada grauíta, mercadiño e camións de comida -foodtrucks-.
Algúns dos artistas que se diexarán ver pola Preguiza son a rapeira recoñecida a nivel nacional Santa Salut, o grupo galego de rap Rebeliom do Inframundo e, por segunda edición consecutiva, Dakidarría volverá a presentarse no Extruga. Outros músicos como Zeltia Irevire, Brais Ninguén, O Pirata, La Pepa, Insideoftheboli e Dankhe, tamén participarán no evento que conta cun cartel variado e con diferentes alternativas musicais.
O domingo será unha xornada destinada ao eido deportivo na que haberá unha xuntanza de bmx e scooter no Skate Park de Verín. As probas contarán cunha dotación en premios por cada exhibición.
Hoxe e mañá, o Extruga terá ocos para o deporte na Preguiza con varios obradoiros impartidos polo grupo compostelán “Vella Escola” como street football, pinta camisetas e iniciación ao break dance. Os asistentes terán a posiiblidade de participar nun taller de “Iniciación ao hip hop” impartido por Paula López e nunha performance musical dirixida polo verinés Santiago Cañaveral.
Esta tarde celebrarase unha das actividades máis destacadas do festival, a tradicional "Batalla de Gallos" con vista á pre-rexional Freedom Fighters de Asturias e a Liga Xunta de Galicia de Break.
PROGRACIÓN E HORARIOS
Venres 26 de agosto na Preguiza
- 16:30 horas: Obradoiro de street fútbol.
- 17:00 a 21:00 horas: Batalla de Gallos.
- 18:00 horas: Obradoiro de pintura de camisetas.
- 21:00 horas: Actuación de Insideoftheboli.
- 21:25 horas: Actuación de Dankhe.
- 21:50 horas: Actuación de La Pepa.
- 22:30 horas: Actuación de O Pirata.
- 23:00 horas: Final da Batalla de Gallos.
- 23:45 horas: Concerto de Rebeliom do Inframundo.
- 01:30 horas: Concerto de Santa Salut.
Sábado 27 de agosto na Preguiza
- 16:30 horas: Obradoiro de break dance.
- 17:00 horas: Obradoiro Street futbol.
- 17:30 horas: Obradoiro de baile moderno.
- 18:00 a 21:30 horas: Xunta da liga de break.
- 21:45 horas: Kotodama teatro.
- 22:30 horas: Cocnerto de Brais Ninguén.
- 23:45 horas: Concerto de Zeltia Irevire.
- 01:15 horas: Concerto de Dakidarría.
Domingo 28 de agosto no Skate Park
- 16:00 a 16:45 horas: Exhibición de bmx.
- 17:00 a 17:45 horas: Exhibición de scooter.
- 18:00 a 18:45 horas: Final de bmx.
- 19:00 a 19:45 horas: Final de scooter.
- 20:15 a 20:45 horas: Best trick.
- 21:00 horas: Entrega de premios.