O prazo de inscricións para as disciplinas de fútbol e fútbol que se imparten nas Escolas Deportivas Municipais do Complexo Deportivo da Granxa xa está aberto, segundo confirmaron desde a área de Deportes do Concello de Verín.
As solicitudes para participar na tempada 2022-23 recibiranse ata o 20 de agosto, cando remate o prazo. A lista de admitidos confeccionarase pola orde de presentación das mesmas e, para que cada unha das modalidades ofertadas se leve a cabo, deberá cubrirse unha porcentaxe mínima de participantes valorada pola organización.
Os interesados nalgunha das disciplinas deberán asinar a documentación, que está dispoñible na web do Concello de Verín, e logo enviala a correo electrónico das escolas deportivas [email protected]. No caso de que falta algún dos documentos que se requiren, o menor non poderá participar na categoría solicitada.
As categorías por grupos de idades son:
- Xuvenís: Nados entre os anos 2004 e 2006.
- Cadetes: Nados nos anos 2007 e 2008.
- Infantís: Nados no 2009 e no 2010.
- Alevíns: Nenos nados en 2011 e 2012.
- Benxamín: Nados no 2013 e 2014.
- Prebenxamíns: Nados entre 2015 e 2016.
- Biberóns: Nados no 2017 e no 2018.
O que precise máis información pode obtela a través da web do Concello ou no número 660 776 564.
