Venres. 29.03.2024
Túnel do viño de Monterrei ubicado no Museo de Verín.
Túnel do viño de Monterrei ubicado no Museo de Verín.

Este martes 5 de xullo, ás 10:30 horas, terá lugar en Verín a primeira xornada informativa sobre a implantación do Sistema Integral de Calidade Turística en Destino (SICTED) de Ourense Termal, conformado polos 15 municipios termais rurais da provincia, que nace co obxectivo de adherir empresas e servizos turísticos da contorna da comarca Verín - Monterrei que forman parte do Plan de Sustentabilidade Turística en Ourense Termal. Este execútase co cofinanciamento da Xunta de Galicia, a Secretaría de Estado de Turismo e o propio goberno provincial.

O obxectivo desta actuación é implantar unha metodoloxía desenvolvida pola Secretaría de Estado de Turismo do Goberno de España para os servizos turísticos públicos e privados, que contribúe a través de boas prácticas a mellorar a satisfacción do cliente en particular e o posicionamento do destino en xeral.

A finalidade das sesións informativas é captar empresas e servizos turísticos que se adhiran ao Sistema, e que pasan a ser beneficiarias dun proceso de formación, asesoría e avaliación para chegar á certificación e obtención do distintivo de "Compromiso de Calidade Turística".

Todo o proceso farase con cargo ao Plan Ourense Termal e por tanto gratuíto para as empresas e outros servizos turísticos, sendo ata 36 tipos os que poden ser beneficiarios (aloxamentos, restauración, visitas guiadas, museos, oficinas de turismo ou transporte).

NOTICIAS VERÍN | Xornada para empresas interesadas en implantar un novo distintivo de...