Luns. 15.08.2022
A mostra terá carácter permanente e poderá ser visitada a partir do vindeiro venres

NOTICIAS VERÍN | O Verín C. F. estrea unha exposición sobre o seu medio século de vida na nova sala do José Arjiz

 

 

IMG-3414
A presentación dos actos do 50 aniversario na praza García Barbón. | FOTO: M. D.

O Verín C. F. continúa cos actos de celebración polos seus primeiros 50 anos de vida. Nesta ocasión, faino coa estrea dunha mostra que terá lugar mañá, venres 25, ás 20:30h, nas instalacións do estadio José Arjiz. A exposición recolle trofeos, materiais e verdadeiras xoias fotográficas que farán recordar aos asistentes os momentos máis importantes vividos polo club en toda a súa historia. 

Tódalas pezas van estar a disposición de socios e afeccionados de maneira permanente nunha nova zona administrativa do José Arjiz, que tamén se vai inaugurar mañá, tralo remate das obras de reforma ás que foi sometido o estadio.

Unha nova era para o Verín

No mesmo acto, arredor das 20:15h, será presentada a nova dirección técnica encabezada polo adestrador, o ata o de agora xogador Adrián Padrón. O ourensán toma as rendas do equipo despois da saída de Manel Vázquez tras dúas tempadas.

O evento contará coas intervencións do alcalde de Verín, Gerardo Seoane, e o coordinador das actividades do 50 aniversario, Juan Carlos Francisco Rivera

NOTICIAS VERÍN | O Verín C. F. estrea unha exposición sobre o seu medio século de vida...
comentarios