Este domingo, os amantes das dúas rodas terán a oportunidade de reunirse en Verín na 10ª edición da concentración de Vespas, Lambrettas e motos clásicas, que regresa despois dun parón pola pandemia. O Club Vespa Verín, en colaboración co Concello, é o encargado de organizar este evento no que xa se anotaron 153 persoas para participar. "Hemos estado en otras concentraciones de Galicia y en ninguna hemos visto tanta gente como la que se ha inscrito para esta", destaca Miguel Ángel Domínguez, presidente de Vespa Verín.
A concentración contará cunha ruta que partirá ás 11:00 horas da Praza García Barbón para facer un percorrido turístico de 55 quilómetros polos puntos de interese da zona. Os lugares que visitarán son Castrelo do Val, Arcucelos, Vences, Mixós, Pousa, o Castelo de Monterrei, Pazos, Albarellos, Vilaza, O Rosal, Oímbra e rematará de novo en Verín.
Durante o itinerario, os participantes disporán dun pincho e unha consumición para cada un deles nas paradas parada. Ás 14:00 horas, seguindo co programa, os participantes terán unha comida conxunta nun restaurante da vila. Nesta parte do encontro haberá sorteos e entregaranse premios entre os asistentes.
