sábado 16/10/21
Foi celebrada esta mañá na casa consistorial

NOTICIAS VERÍN | Os empresarios presentan o seu plan de actuación 2021 na Mesa de Comercio Local

A Mesa de Comercio Local celebrada hoxe na Casa do Concello de Verín.
A Mesa de Comercio Local celebrada hoxe.

Esta mañá a Casa do Concello de Verín acolleu a Mesa de Comercio Local coa finalidade de valorizar e promover o comercio de proximidade na vila. Durante a mesma presentouse o plan de actuación da Asociación de Empresarios de Verín para o ano 2021, co que se pretende dinamizar e promocionar o comercio local, fidelizar á clientela e potenciar a súa imaxe a través de diferentes accións online e offline.

A reunión foi presidida polo alcalde de Verín, Gerardo Seoane, que estivo acompañado por María Isabel González, concelleira da área Comercio Local; José Ángel Rodicio e Santos Álvarez, xerente e presidente da Asociación de Comerciantes de Verín e Ariadna Gil, presidenta da Asociación de Mulleres  Rurais e de Consumo “O Recuncho”.

Apoio ao comercio local

Desde o Concello de Verín, a través da área de Comercio, realizouse unha achega total de 15.000 euros no ano 2021 coa finalidade de contribuír á execución do Proxecto de dinamización, promoción e fomento do comercio da vila de Verín promovido pola Asociación de Comerciantes Aever.

Devandita achega, explicou María Isabel González, concelleira de Comercio, "enmárcase dentro da estratexia municipal de dinamización do comercio local cuxo principal obxectivo é fomentar o consumo no pequeno comercio, algo que desde o grupo de goberno consideramos fundamental para reactivar a nosa economía".

Plan de actuación de Aever

Entre outras actividades de Aever levadas a cabo para fomentar o comercio local salientan o Black Friday, a Campaña de Nadal 20/21 ou o Market Place dixital, entre outros. Tamén a campaña dos Bonos Activa Comercio, que segue vixente ata o vindeiro 31 de outubro. Aquí, todos os comercios da vila onde se poden utilizar.

NOTICIAS VERÍN | Os empresarios presentan o seu plan de actuación 2021 na Mesa de...
comentarios