Esta mañá os centros veterinarios de Verín pecharon as súas portas durante media hora, sumándose ao acto reivindicativo que se levou a cabo en toda España como protesta ante a nova normativa sobre medicamentos veterinarios. Unha lei que, tal e como denuncia a profesión veterinaria, supón cargarse o benestar animal, o código deontolóxico e o criterio clínico facultativo.
Un peche simbólico porque consideran que a lei crea restriccións que afectan á calidade da atención aos animais e, tamén, á dignidade profesional ao limitar a prescripción, non favorecer o criterio clínico e obrigar a pautar medicamentos que poden non estár indicados para as patoloxías.
É dicir, unha lei que limita a prescripción do tratamento ao prospecto do produto, basado nos estudos da farmacéutica que os comercialeza pero non na indicación médica basada na bibliografía e na evidencia científica. Sen embargo, existen fichas clínicas de produto que non foron actualizadas dende o 2003, polo que están obsoletas ante o avance dos estudos científicos; se hai novos fármacos máis indicados para calquer doenza non se poden utilizar.
Unha lei para limitar o uso de antibióticos
A limitación do uso de antibióticos é unha necesidade urxente, pero a prescripción veterinaria supón só o 0,08 % do total en España. E hai que sumarlle que a falta de formatos axeitados fai que se teñan que prescribir envases nos que sobra máis medicación da necesaria para o tratamento.
"El veterinario muchas veces está condenado a prescribir envases en los que sobra más medicación de la necesaria para el tratamiento, hecho que genera una mayor cantidad de residuos a nivel medioambiental, favorece la automedicación y potencia la creación de antibiorresistencias, obviando el ampliamente reconocido concepto de One Health y resultando en el efecto contrario al que se pretende conseguir con esta regulación", sinalan dende EmpreVet, a asociación que aúna as patronais veterinarias de Aragón (AEVAR), Galicia (EVGAL), Málaga (AEMAVE) e Sevilla (CEVE SEVILLA).
O Real Decreto 666/2023, polo que se regula a prescripción, dispensación e uso de medicamentos veterinarios, comezou a aplicarse o ano pasado no gando e foi a comezos do 2025 cando a súa aplicación se fixo obrigatoria nos pequenos animais e nas mascotas.
