O CEIP Medeiros deseña o cartel oficial que representará o vindeiro Desfile Infantil do Entroido 2025, que percorre durante a mañá do Xoves de Comadres as rúas e prazas de Verín.
Nesta ocasión, do mesmo xeito que nas anteriores edicións, os representantes dos centros educativos que participan no desfile decidiron, por unanimidade, que o deseño debía ser realizado polo colexio responsable da apertura do desfile, o CEIP Medeiros.
Tras elaborar este centro dous carteis, a elección do deseño oficial realizouse mediante votación entre representantes dos centros educativos participantes no desfile: CRA Monterrei, CEIP Plurilingüe Vendas da Barreira, CEIP Augusto Assia A Mezquita, CPR María Inmaculada, PAI de Riós, CEIP Plurilingüe Raúl Fernández Castrelo do Val, CEIP Rodolfo Núñez de Vilardevós, CEIP Princesa de España, CEIP Amaro Refojo, CPR Mercedarios, IES Xesús Taboada Chivite e IES García Barbón, así como das Casas Niño de Albarellos ("Aloumiño"), Castrelo do Val ("Cuquiños"), Cualedro ("Aprendo Xogando"), Vilardevós ("Lala" e "Garabatos"), Pepín ("As Avelaíñas"), Vilaza ("O Principiño") e Vences ("Enredos").
O centro educativo recibirá un vale de 400 euros para material escolar e deportivo, a adquirir en establecementos do concello de Verín.
