Como vén sendo habitual, Verín volverá ter iste ano a súa Feira de Nadal co obxectivo de incentivar o comercio local na vila. Celebrarase os días 8, 9 e 10 de decembro, coincidindo co final da longa ponte festiva. O Concello de Verín vén de abrir o prazo para participar nela e poder ter unha das casetas que se instalarán na Praza Maior.
A partir de mañá, e ata o vindeiro 20 de novembro, todas as persoas interesadas en montar unha das casetas da Feira de Nadal poderán enviar á organización as ideas e propostas do seu produto e da decoración do seu stand. Diste xeito, xa se pode formalizar a inscrición, tendo en conta as condicións de participación que marca a organización do evento, que terá unha cota de 45 euros.
A Feira de Nadal arrancará o venres, día 8, pola tarde; o sábado e o domingo estará aberta en horario de mañá e de tarde. Quen quera participar, deberá comprometerse a ter un ambiente navideño na súa caseta; con embalaxes, luces, envases ou envoltorios típicos do Nadal. Tamén se poderá complementar coa degustación de produtos típicos desta época.