Xoves. 28.03.2024
O varón, de nacionalidade portuguesa e 35 anos, adicábase con asiduidade á venda ao por menor de droga

Detido o camareiro dun clube de alterne da Alameda de Verín por tráfico de cocaína

Unha inspección, este sábado pasadas as 23,00 horas nun local de ocio da vila ubicado na praza da Alameda, deixou como resultado a detención dun camareiro de 35 anos e a incautación de 9 doses de cocaína xa listas para a venda, dous teléfonos móbiles e 140 euros en efectivo, así como varios úteis para a súa preparación. 

drogas
Material e diñeiro en efectivo incautado ao detido no local de ocio no que traballaba. FOTO: Garda Civil

Axentes da Garda Civil de Verín detiveron este pasado sábado, ás 23,00 horas, a un veciño de Verín, de nacionalidade portuguesa e 35 anos de idade, por un presunto delicto de tráfico de drogas logo de efectuaren unha inspección no local no que traballaba como camareiro. Segundo informaron fontes policiais, o detido adicábase con asiduidade á venda ao por menor de substancias estupefacientes nun clube de alterne ubicado na praza da Alameda de Verín.

A visita dos axentes ao citado local de ocio propiciou a localización dun habitáculo que aínda que aparentemente estaba destinado ao almacenamento de bebidas, nel atopábanse unha caixa de cartón que contiña 9 doses de cocaína preparadas para a venda, unha báscula de precisión e diversos recortes ultimados para a confección das doses. Os gardas civís tamén incautaron 140 euros en efectivo e dous teléfonos móbiles. 

 

 

Detido o camareiro dun clube de alterne da Alameda de Verín por tráfico de cocaína