
O Concello de Verín pon en marcha un novo servizo gratuíto de información vía WhatsApp no que se ofrece toda a actualidade de servizo público e de interese para a cidadanía.
A comunicación a través de WhatsApp permitirá aos usuarios desta aplicación ter á súa disposición información en tempo real e de maneira continuada nos seus dispositivos móbiles, podendo, desta forma, estar ao tanto da información municipal máis relevante; axenda cultural, noticias, alertas de última hora, eventos, cursos, lecer, etc.
Establecerase unha canle de comunicación unidireccional a través do servizo de mensaxería WhatsApp, por tanto, non se responderá a ningunha mensaxe nin se atenderán consultas personalizadas. O servizo prestarase exclusivamente mediante listas de difusión e en ningún caso farase uso dos grupos de devandita aplicación.
Como se pode dar un de alta?
- Memorice na axenda de contactos do teléfono móbil o número 663 98 79 01, por exemplo co nome "Actualidade Municipal Verín".
- Envíe unha mensaxe coa palabra ALTA.
- Recibirá un whatsapp de notificación, quedando activado o servizo nas 24 horas seguintes.
Como ten que facer para darse de baixa?
- Todos os usuarios poden solicitar a súa baixa no servizo en calquera momento, enviando unha mensaxe ao mesmo número coa palabra BAIXA.
- Recibirán un whatsapp de notificación.