A floristería Florciñas unirase a Aqua Gala este xoves coa cor das súas flores, unha parte importante da decoración en calquera voda e un complemento esencial para cada noiva. Este negocio, ubicado na avenida de Portugal, elabora "todo tipo" traballos florais para eventos civís ou relixiosos, destaca Vania González.
As flores preservadas, as sometidas a un proceso químico que permite unha maior conservación, son a tendencia na actualidade. En Aqua Gala, Florciñas levará algúns destes ramos, nos estilos máis solicitados. As flores silvestres "son as que máis se buscan, as de cores verdes", para os arranxos, que deixaron de ser os típicos de antes "que só se colocaban nunha igrexa". Ademais, a decoración floral en estruturas está cada vez máis presente.
