13:54 do 19 de xuño de 2019
A mostra "Arte infantil", que foi inaugurada o martes día 18 pola concelleira de Cultura, Emilia Somoza; estará dispoñible ata o día 5 de xullo na Sala de Exposicións de Verín.
O horario para poder visitala será de luns a venres entre as 17:00 h e as 20:00 h.
A exposición é unha mostra de diversas obras realizada por nenos e nenas da vila, elaboradas durante o curso escolar 2018-2019. As creacións foron seleccionadas polos alumnos e alumnas que as realizaron nas Aulas de Iniciación ás Artes Plásticas da Escola de Artes e Oficios de Verín, un centro de formación non regrada que depende do Concello de Verín.
O prazo está aberto para a reserva de postos escolares do curso 2019 - 2020, que comezará a mediados do próximo mes de setembro.
