26 de febrero de 2021, 13:13
A Cámara Municipal de Vinhais vén de informar que dende o vindeiro 2 de marzo estará de novo aberta, un par de veces ao día, o paso fronteirizo de Moimenta por Manzalvos (A Mezquita). Así o anunciou o presidente da veciña administración local lusa, Luís Fernandes, nun comunicado oficial. Polo de agora descoñécese en que franxa horaria permanecerá aberta.
O presidente da Cámara lusa, cos alcaldes dos municipios galegos da Mezquita, Gudiña e Riós, participou o pasado luns 22 de febreiro nun acto simbólico de protesta, precisamente no paso frontreirizo que dende o vindeiro martes estará xa aberto para o tránsito de todas aquelas persoas que xustifiquen os desprazamentos entre Portugal e España.
