AXENDA | Galiza Nova organiza en Verín un acto para abordar a problemática dos incendios forestais

Galiza Nova organizará este venres 17 de xullo, ás 20.00 horas, na Alameda de Verín, un acto aberto para abordar a problemática dos incendios forestais na comarca de Monterrei e no conxunto de Galicia.

Segundo explica a organización, o encontro pretende abrir un espazo de reflexión sobre as causas das vagas de lumes da actualidade, así como analizar de que maneira pode organizarse a mocidade para actuar e implicarse fronte aos incendios forestais.

A xornada contará coa participación de axentes forestais e brigadistas da comarca, que compartirán a súa experiencia e os seus coñecementos sobre a prevención, a extinción e a realidade que afrontan durante a campaña de incendios.

Galiza Nova sinala que o obxectivo da iniciativa é promover o debate e a sensibilización arredor da defensa do territorioe da protección do monte, dando voz aos profesionais que traballan na primeira liña da loita contra o lume.