AXENDA | Primeiros folións do Entroido 2025 na bisbarra

Primeira fin de semana do Entroido 2025 chea de folións por toda a bisbarra. Imos poder gozar ao ritmo dos bombos e dos chocallos o venres e o sábado en A Rasela (Verín), Laza, Matamá e Castro (Laza) e no Tameirón (A Gudiña). Velaí datas e horarios.

Venres, 7 de febreiro

• A Rasela (Verín): a partir das 20:30 horas.
• Laza: a partir das 23:00 horas comeza o primeiro folión dende o fondo da Cerdeiriña. Baixo o lume dos fachóns percorrerán as rúas ata Cimadevila.

Sábado, 8 de febreiro

• Matamá (Laza): a praza do Cruceiro acollerá o primeiro dos folións do Antroido da aldea lazá a partir das 23:00 horas. Os Bombeiros de Vences serán os encargados de animar a troula.
• Castro (Laza): os folións en Castro saen "cando teñen que saír", así que se queres gozar da súa festa terás que visitar a aldea e deixarte sorprender polas súas tradicións.

• O Tameirón (A Gudiña): a partir das 20:00 horas dará comezo o desfile da XXII Xuntanza de folións que reunirá a 7 folións chegados dende distintos puntos da provincia.