AXENDA | Festival Al-Majisti na Veiga

Segunda edición do festival Al-Majisti na Veiga cunha interesante proposta: unha viaxe dende Trevinca ao Fin do Mundo polo camiño das estrelas.

Este ano adiantan a súa celebración para facelo coincidir co eclipse solar parcial que haberá o sábado 29 de marzo e ofrecer a posibilidade de observalo coas explicacións de Óscar Blanco, director do Centro Astronómico de Trevinca.

Al–Majisti, un encontro de acceso libre con conferencias, documentais, observacións astronómicas e presentacións literarias que terá lugar do 28 ao 30 de marzo.

As actividades son gratuítas e desenvolveranse no Centro Astronómico de Trevinca, sendo necesario inscribirse con anterioridade.