AXENDA | Taller de memoria e estimulación cognitiva en Riós

A alta incidencia de deterioro cognitivo en persoas maiores fai aconsellable a estimulación cognitiva e o traballo de fornecemento da memoria; baixo ista premisa, a Reitoral da Chaira de Riós acollerá un obradoiro para todas as persoas interesadas.

Trátase dun taller semanal no que se traballará para promover un envellecemento activo e que busca previr a dependencia das persoas maiores. Terá lugar durante os meses de outubro e novembro, todos os xoves, de 16:30 a 17:30 horas, a partir de mañá, 5 de outubro.

Unha actividade gratuíta, impartida pola Cruz Vermella da Gudiña, na que se traballarán destrezas, habilidades e estratexias que permiten adestrar e mellorar a capacidade intelectual para reducir o impacto negativo do deterioro cognitivo.