AXENDA | Homenaxe na Gudiña a Asunción Casado, a "Pasionaria" galega fusilada no 36

Este sábado 20 de agosto a asociación Os Torgueiros, da Gudiña, organiza unha homenaxe a Anunciación Casado Atanes, asasinada en 1936.

A homenaxe constará de varios actos: ás 18:30 horas irase ás Revendeitas, á altura do km 7 da estrada A Gudiña - Viana, lugar onde foi asasinada. Acto seguido irase ao cemiterio do Castro, onde foi soterrada. O punto de encontro está fixado no pavillón de deportes da Gudiña ás 18:00 horas. 

Ás 19:30 horas terá lugar o acto principal, unha charla na Casa da Viúva, na Gudiña, onde participarán Lola Varela, David Simón e Dionísio Pereira.