AXENDA | Verín prepárase para a implementación da Axenda 2030

O Concello verinés ofrecerá mañá un obradoiro no que se presentará o "Plan para a implementación da Axenda 2030 en Verín", que terá lugar ás 12:00 horas na Casa da Xuventude. O acto comezará cunha introducción á Axenda 2030 e aos 17 Obxectivos de Desenvolvemento Sostible, que se agardan cumprir para ese ano, e a súa aplicación no ámbito local. O obradoiro continuará cunha abordaxe sobre cal sería o punto de partida na vila e presentarase unha proposta de plan estratéxico no concello. Para asistir é preciso inscribirse e pode facerse aquí.