O Entroido en Viana volve este ano á normalidade trala pandemia e traerá consigo unha das citas gastronómicas máis importantes da provincia. A Festa da Androlla acadará, por fin, a súa 51ª edición o 19 de febreiro, despois de que se tivese que suspender o pasado 2022 e 2021 pola covid.
A festa terá lugar no Pavillón Municipal de Viana no Domingo de Entroido e as entradas pódense marcar a partir de mañá cun prezo de 20 euros. O punto de venda físico son as oficinas dos Servizos Sociais do Concello, pero tamén se poden reservar a través dos números de teléfono 988 329 260 ou no 661 588 456.
Unha vez feita a reserva, haberá que efectuar o pago da entrada no canta bancaria ES92 2080 5345 9930 4001 1379. O xustificante da transferencia será imprescindible, xa que se deberá presentar nas oficinas municipais no momento de retirar a entrada. No caso de que o documento sexa dixital, tamén se pode enviar ao correo [email protected].
