O Entroido de Viana chegou ata a cidade de Ourense, onde os cativos do CEIP A Ponte tiveron a oportundiade de coñecer as tradicións vianesas desta festa. O Concello participou nunhas xornadas que están a levar a cabo dende a ANPA para festexar o Entroido co alumnado.
Un boteiro compartiu a xornada cos estudantes de Infantila ata 6º de Primaria para que coñecesen de preto o traxe, pero tamén as tradicións que rodean ao Entroido en Viana. A visita espertou a curiosidade da cativada, que fixo moitas preguntas ás persoas que se trasladaron dende a localidade, entres as que había persoal do Concello e a creadora da web oficial do Entrudio de Viana.
Ademais de ver de preto o colorido traxe do boteiro, que foi facilitado pola Asociación de Fulións Rurais Viana Do Bolo, a rapazada tamén descubriu máis sobre os fulións e puideron tocar algún bombo. Estas actividades de Entroido no centro comezaron o luns coa visita da Asociación de Veciños de Seixalbo para falar de Paquita e Nicanor, mentres que mañá será o turno das pantallas de Xinzo.
