Un novo accidente provocaba retencións na circulación na A-52 ista mañá logo dun aparatoso choque entre dous camións á altura das Estivadas, dirección Benavente. Cara as 10:00 horas colisionaban no punto kilométrico 176 da autovía, no Concello de Cualedro, motivo polo que a circulación víase afectada.
O accidente provocaba que un dos condutores resultase ferido. Logo do aviso ó 112, o centro galego de emerxencias puña en alerta á Garda Civil, a Protección Civil e ós servizos de Urxencias Médicas. O equipo de sanitarios comprobaba que as feridas eran de carácter leve, pero decidiron trasladar ó conductor ó Hospital de Verín para comprobar que non sufrira outros danos.
O suceso acaecía cando un camión da recollida do lixo sufría problemas mecánicos e víase abrigado a estacionar no arcén esquerdo da A-52. A isas horas da mañá había algo de néboa e foi alcanzado por detrás por un tráiler de mercadorías que circulaba dirección Benavente.
O aparatoso choque entre os dous camións colapsaba a circulación, provocando unha retención dos vehículos ata o punto de ter que deter o tránsito rodado para deixar paso a ambulancia ata o lugar do sinistro. A circulación está aberta ó tráfico, pero se pide extremar as precaucións ata que sexan retirados todos os restos do accidente e os camións afectados.
