O Concello de Viana do Bolo ven de acordar a suspensión das feiras e mercados que tiña previstos para este mes de agosto por mor da situación sanitaria polo coronavirus ó considerar que non se pode garantizar o cumprimento das medidas de seguridade e distanciamento social.
No bando municipal feito público, infórmase de que quedan suspendidas "ata novo aviso" as feiras que estaban programadas para os días 13 e 28 de agosto, "en tanto non se poden garantir as condicións de seguridade, distanciamento entre postos ou aforo, recomendadas polas autoridades sanitarias competentes", recolle o goberno local.
Esta medida tamén afecta os eventos programados ao aire libre, como son a “Festa dos 80” e o "mercadillo", previstos para o día 14 deste mes.
No bando municipal, o alcalde de Viana, Abelardo Carballo, xustifica esta decisión "co fin de evitar que a actividade económica municipal se vexa abocada a medidas máis restrictivas, sobre todo, no sector hostaleiro.
.
