jueves. 13.06.2024
Castañas asadas para festexar o magosto.
Fin de semana de magostos na bisbarra.

CINE

O Cinema Municipal de Verín proxectará dúas películas esta fin de semana.

Terminator: destino oscuro. Sarah Connor e Grace, unha híbrida de cyborg e humano, deberán protexer a unha xoven do Rev-9, un novo Terminator que vén do futuro. Protagonizada por Linda Hamilton, Arnold Schwarzenegger e Mackenzie Davis. Película de ciencia ficción e acción, secuela da coñecida saga Terminator, non recomendada para menores de 16 anos.

La vida secreta de tus Mascotas 2. Max enfróntase a novos e importantes cambios na súa vida: a súa dona Katie non só se casou, senón que é nai por primeira vez. Nunha viaxe familiar ó campo coñece a un can granxeiro chamado Rooster, co que aprende a dominar os seus medos. Mentres tanto, Gidget trata de recuperar o xoguete favorito de Max dun apartamento cheo de gatos. Snowball, por outro lado, embárcase nunha perigosa misión para liberar a un tigre branco, Hu, dos seus captores nun circo de animais. Secuela de Mascotas; cine infantil de animación apta para todos os públicos.

Terminator_Mascotas2

CONTACONTOS E MANUALIDADES

A Biblioteca Municipal de Verín organiza unha nova tarde de contacontos e manualidades pensada para a cativada. O moucho que padecía de insomnio recolle contos que falan do respecto pola natureza, inculcando valores humanos e o coidado do medio ambiente a través de xogos. Ademais, os participantes farán manualidades con cartolinas. Será a tarde do venres, dende as 18:00 horas e ata as 19:30 horas.

BMV_Contacontos_Moucho_20191109

XORNADA MICOLÓXICA

O Concello da Mezquita vai celebrar unha xornada dedicada ós cogumelos o sábado, 9 de novembro. Organizada pola Asociación Os Tres Reinos mailo propio Concello da Mezquita, a actividade ten por obxecto crear coñecemento nos participantes das diversas variedades de setas que hai no territorio e da súa toxicidade. Ás 10:00 horas iniciarase dende a Praza do Concello un paseo polos montes para recoller os cogumelos que se vaian atopando. Os participantes na xornada estarán acompañados dun micólogo que os asesorará durante o paseo. Xa de volta, ás 13:00 horas, realizarase a selección e identificación das especies recollidas. Ás 14:30 horas dará comezo un xantar con platos elaborados con setas.

Pódese participar na xornada micolóxica previa inscrición a través do teléfono: 988.423.506.

A Mezquita_xornada micolóxica_20191109

MAGOSTOS

Seguimos en tempo de castañas e magostos ó carón do lume. Esta fin de semana serán varios os que se celebrarán na bisbarra. Toma nota!

Albarellos, sábado 9 de novembro. A Praza do Pobo será o escenario deste magosto popular co que a "Asociación 25 de xullo" de Albarellos festexa o San Martiño. Churrasco, empanada, chourizo, viño, pan, bica, música e castañas por 7€ os adultos e 3€ os menores de 10 anos. Ademais, sortean un xamón. 

As Eiras, Laza, sábado 9 de novembro. Dende as 18:00 horas, a Asociación As Eiras celebra o seu magosto popular. Se queres participar, podes anotarte a través do seu Facebook ou por teléfono chamando a Marisol (650.883.004) ou a Christian (679.215.750).  Xantar, beber e gozar da foliada por 9€ co menú típico desta celebración: churrasco, chourizo, castañas, pan e viño... porque a todo cochiño lle chega o seu San Martiño!

Vilardevós, sábado 9 de novembro. Celebrarase na Praza do Cruceiro dende as 20:30 horas organizado pola Asociación Cultural Os Chocalleiros. Churrasco, panceta, chourizo, castañas, bica, pan, viño, auga e licores por 10€ para os adultos e 5€ para a cativada. Ademais, teñen organizado un baile para amenizar a foliada que correrá a cargo do dúo "Sabrosito".

Magosto As Eiras 20191109

EXPOSICIÓN FOTOGRÁFICA

A Sala de Exposicións de Verín acolle "Fragmentos da Natureza", unha mostra fotográfica que presenta unha visión da natureza en estado puro, con atención a cada especie e a cada paisaxe. Cada humano ten unha visión persoal, a contorna percíbese de xeito distinto a expensas de quen a mire ou dependendo do momento. O fotógrafo Brais Seara (Allariz, 1981) ofrece unha exposición con instantes únicos captados en Galicia, Finlandia, Alemaña, Escocia, Inglaterra ou España; imaxes que reflicten o camiño entre o observado, o interpretado e o que el mesmo quere transmitir.

A mostra permanecerá aberta ó público ata o 23 de novembro. Horarios: de martes a sábado, de 12:00 horas a 14:00 horas e de 17:00 horas a 21:00 horas.

EXPO-BRAIS-SEARA_web

FÚTBOL

O domingo, 10 de novembro, ás 16:30 horas o Club de Fútbol Monterrei xogará contra o Melias no Estadio Rozabales de Albarellos. Unha nova oportunidade para animar ó equipo que xoga na Primeira Galicia nesta tempada 2019/2020.

20191110 Monterrei futbol

Toma nota! Axenda de Ocio para esta fin de semana
Entrando en la página solicitada Saltar publicidad