Venres. 27.01.2023
Reunión da Comisión Executiva Provincial do PSdeG PSOE de Ourense en Ramirás.
Reunión da Comisión Executiva Provincial do PSdeG PSOE de Ourense en Ramirás.

O PSdeG-PSOE de Ourense celebrou esta fin de semana a súa Comisión Executiva Provincial, nesta ocasión en Ramirás, concello gobernado pola socialista Isabel Gil. Na mesma, aprobouse a constitución do comité electoral provincial e confeccionouse o calendario de cara as eleccións municipais do vindeiro mes de maio.

Dende a executiva provincial do PSdeG ourensán destacan que "proseguimos co noso percorrido pola provincia para que todos os nosos integrantes e as nosas integrantes da comisión coñezan a realidade de cada concello e tamén con vistas as vindeiras eleccións municipais do 28 de maio". Tamén poñen o foco en que o obxectivo marcado "é presentar os mellores candidatos e candidatas en toda a provincia para acadar uns moi bos resultados a nivel provincial".

O secretario provincial do PSdeG-PSOE de Ourense, Rafael Rodríguez Villarino, destacou que coa elección do comité electoral, "xa temos a integración de todas as forzas que van confluír para crear un proxecto para esta provincia, un proxecto que coñeza toda a cidadanía e a veciñanza da provincia". O líder dos socialistas ourensáns sinalou que o obxectivo que se marca o partido "é aumentar o número de deputados e deputadas provinciais, para que desta vez sexa realidade o cambio na provincia".

Villarino tamén subliñou que, "nas anteriores eleccións municipais, o PSOE conseguiu os mellores resultados da súa historia, pero daquela non foi posible o cambio na Deputación, xa que se levou a cabo un pacto antinatura, motivado para manter a mesma presidencia". O secretario provincial afirmou que "o noso obxectivo agora é que ese cambio sexa reversible, que a cidadanía saiba que a súa intención de voto se vai respectar e que esta provincia teña por fin o futuro que todos desexamos e merece".

O PSdeG ourensán constitúe o comité electoral para mellorar os resultados provinciais
comentarios