Venres. 29.03.2024
Nova cuberta do centro de saúde de Riós.
Nova cuberta do centro de saúde de Riós.

O centro de saúde de Riós deixa atrás as obras de remodelación que comezaron o pasado mes de novembro, co obxectivo de optimizar as súas intalacións. En setembro, o conselleiro de Sanidade, Julio García Comesaña; e a alcaldesa, Eva Barrio; asinaron un convenio para reparar a cuberta e acondicionar o seu interior.

 

Esta semana remataron as obras e o centro de saúde xa conta cunha nova cuberta, nos dous bloques exteriores, que garantiza un maior illamento térmico do edificio, a súa impermeabilidade e a seguridade da mesma. Neste proceso repúxose a anterior, que presentaba graves deficiencias e ocasionaba humidades no andar destinado ás consultas e á atención dos pacientes.

A sala de espera dispón de renovadas cadeiras para os pacientes e acompañantes.
A sala de espera dispón de renovadas cadeiras para os pacientes e acompañantes.

 

Ademais, acometéronse outras actuacións sobre a carpintería exterior coa automatización de apertura das ventás localizadas nas consultas. En canto ao equipamento, o centro de saúde estrea novas cadeiras na sala de espera e tamén se colocaron novos estantes nunha das consultas.

En total, todas estas melloras supuxeron unha inversión superior aos 48.000 euros.

Estanterías instaladas no centro de saúde.
Estantes instalados no centro de saúde.

NOTICIAS VERÍN | O centro de saúde de Riós remata as obras de remodelación