Venres. 19.08.2022
Toupas a carón dun vaso das piscinas de Monterrei.
Toupas a carón dun vaso das piscinas de Monterrei.

Os primeiros usuarios das piscinas de Monterrei, en Albarellos, atopáronse este venres, primeiro día de apertura da instalación municipal, cunha inesperada compañía. Moitos deles, como así confirmaron a este medio, non saían do seu asombro: "Non entendemos como un Concello pode abrir unhas piscinas tendo o céspede neste estado tan calamitoso, no que, ademais de estar a herba sen segar nalgúns puntos, presenta calvas noutros e nin tan siquera tiveron a deferencia de limpar as toupeiras a carón dun dos vasos", apuntan. 
 

Non é a única queixa que teñen os usuarios da instalación. Mesmo a formación Veciños de Monterrei vén de rexistrar un escrito nas dependencias municipais solicitando ao rexedor que amplíe o horario de apertura das mesmas a tamén pola mañá. Segundo anunciou o alcalde, José Luis Suárez, só se poderá acceder ás piscinas en horario de tarde, dende as 15:00 ás 21:00 horas, de luns a domingo. 

Calamitoso o estado que presentaba o céspede das piscinas de Monterrei.
Calamitoso o estado que presentaba o céspede das piscinas de Monterrei.

Carme Sola, a voceira de Veciños, foi moi crítica co alcalde de Monterrei asegurando que "non entendo como non lle cae a cara de vergoña abrindo unhas instalacións con ese aspecto. El deitaríase a carón dalgunha toupa? Por que non se comprobou o estado antes de anunciar a apertura? É evidente que non lle importa a imaxe que poda dar o seu Concello. Esas piscinas pasaron de ter un aspecto calamitoso en plena pandemia, nin se realizaba o mantemento mínimo, e agora decide abrir cun céspede nesas condicións", afirmou a voceira de Veciños de Monterrei. 

Piscinas municipales de Verín, este venres, pouco despois de abrir. | FOTO: Noelia Caseiro.
Piscinas municipales de Verín, este venres, pouco despois de abrir. | FOTO: Noelia Caseiro.

 

Pola contra, veciños doutros concellos limítrofes con Monterrei, como Verín ou Oímbra, teñen mellor sorte. Neste segundo municipio, o aspecto que presenta a instalación municipal é tan excelente, que ata supón un reclamo para moitos verinenses que deciden achegarse ata o municipio que preside Ana María Villarino Pardo. 

Aspecto que presenta o céspede das piscinas de Oímbra.
Aspecto que presenta o céspede das piscinas de Oímbra.

 

NOTICIAS VERÍN | As toupas tamén van á piscina en Monterrei
comentarios
Entrando na páxina solicitada Saltar publicidade