O lume estivo activo, aproximadamente, dende as 13:10 deste mediodía. É o segundo en Guimarei, o terceiro que afecta á parroquia de Infesta no que vai de semana.Polo momento, descoñécese a estimación de superficie afectada, que non supera as 20 hectáreas.
O fume obrigou a cortar a estrada OU-1018 que enlaza coa N-525 á altura de Cualedro, segundo informa @Incendios085. Coas lapas xa controladas, a vía recupera o seu normal funcionamento e permítese a circulación.
A Garda Civil vén de cortar ao tráfico a estrada OU-1018 ao seu paso pola parroquia de Infesta, no concello ourensán de Monterrei, a causa do fume provocado por un incendio forestal activo nesa zona. #IFInfestaMonterrei
— incendios 085 (@incendios085) July 24, 2020
Nas labores de extinción, desprazáronse ata o lugar dúas brigadas, un axente, dous helicópteros e un avión, segundo informa Emerxencias Ourense na súa conta Twitter.
🔥Declarado incendio forestal en Guimarei, #Monterrei. D.XIV
— Emerxencias Ourense (@EmerxenciasOu) July 24, 2020
MOVILIZADOS:
👨🚒👩🚒🚒👮♂️Personal del SPIF de la @Xunta.
🚁Toén.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Tamén recorda que existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.