Tiñámolo ben clariño! O "Chita" ía encher o Salón de Actos da Casa da Cultura de Verín coa presentación do seu libro de recompilación de artigos escritos por el ó longo de 10 anos. Se máis aforo houbese, máis xente estaría onte alí; ninguén quería perderse un acto no que participaron o propio Miguel Ángel Prieto Sotelo, Gerardo Seoane, Alfonso "da Tahona", Mirito Mateo, Juan Guerra e Plácido Romero. Unha entretida tarde de música e literatura, moitas risas e un ambiente de confraternización.
Mentras, a cativada da bisbarra gozaba do "Tren do Nadal" instalado na Praza García Barbón. Por alí tamén pasou o alcalde de Verín, Gerardo Seoane, que non deixou de sorrir ó ver ós máis pequenos xogando. Se inda non fuches, estará aberto ata o vindeiro 8 de xaneiro.
Que haberá ista fin de semana?
Mañá, sábado 24, será o día dos xogos inchables que estarán instalados nas prazas da Mercé, García Barbón e do Concello para os máis pequenos podan gozar de un día máxico mestras esperan a chegada de Pai Noel. Unha actividade organizada por AEVER mailo Concello de Verín coa ilusión de facer que se divirtan nistes días festivos.
Sen esquecer que segue activa a campaña comercial "Os 6.000 de Verín" ata o día 27 de decembro, co obxectivo de incentivar as compras en Nadal no comercio local da vila.
Consulta toda a programación de actividades de Nadal aquí.
O "Tren do Nadal" está sendo un éxito entre a cativada da bisbarra. | FOTOS: Jainer Barros.
Un ateigado Salón de Actos acolleu a presentación do libro de Miguel Ángel Prieto Sotelo, "o Chita", onte á tarde. | FOTOS: Jainer Barros.
"O Chita", durante a presentación da súa escolma de artigos.
O "gran mestre Mateo" sempre agasallándonos coa súa deliciosa interpretación.
