VÍDEO | Javier Yáñez, creador do Premio do Público para o FIC, un fóra de serie co morteiro

O verinés Javier Yáñez foi o elixido polo FIC Vía XIV para crear o Premio do Público nesta sexta edición do certame. Un profesional da decoración de fachadas e interiores con máis dun cuarto de século de experiencia. Con moita destreza e coidado, reproduce á perfección todo tipo de materiais en morteiro, unha mestura óptima para este tipo de traballos. Os tematizados son a súa especialidade que xa supoñen a maioría dos encargos nos últimos catro anos.