AXENDA | A furgoteca percorrerá 11 puntos de Vilardevós os días 14 e 27 de maio co seu servizo de biblioteca móbil

O programa de bibliotecas móbiles da Xunta de Galicia, coñecido como A Furgoteca, confirmou o seu calendario de visitas para o mes de maio no concello de Vilardevós. O servizo itinerante, que busca achegar a lectura e a cultura aos núcleos rurais da provincia, despregará dúas rutas diferenciadas que percorrerán un total de 11 puntos do municipio os días 14 e 27 de maio.

A primeira das rutas terá lugar o xoves 14 de maio. A xornada comezará na Casa Niño Lala (10:00 a 10:30 h) e continuará na Casa Niño Garabatos (10:35 a 11:05 h). Posteriormente, o vehículo desprazarase ao CEIP Rodolfo Núñez Rodríguez, onde permanecerá de 11:10 a 12:45 horas. A ruta completaráse coas paradas na capital municipal, Vilardevós (Concello), de 12:50 a 13:50 horas, e na localidade de Traseirexa, de 14:00 a 15:00 horas.

A segunda expedición está fixada para o mércores 27 de maio. Nesta xornada, A furgoteca iniciará a súa actividade en Berrande ás 15:00 horas. O itinerario continuará por Lamasdeite (16:00 a 16:45 h), Arzádegos (17:10 a 17:40 h), Florderrei Vello (17:45 a 18:15 h) e Osoño (18:35 a 19:15 h). A última parada do mes realizarase na localidade de Feilas, onde o servizo estará dispoñible entre as 19:30 e as 20:00 horas. Os usuarios interesados poden contactar co servizo a través do teléfono 644 16 92 14 ou no correo electrónico afurgotecasur.ourense@xunta.gal.